Go, Igo, Baduk, Weiqi (囲碁)
≡ Menu

Iden des März (Idus Martiae)

Salvete plurimum!
Nomen mihi est Magister Craft.
Hodie fabulam de Idibus Martiis discetis.
Olim erat vir nomine Gaius Iulius Caesar.
Caesar fortis et sapiens erat.
Maximus dux exercitus erat.
Sed senatoribus Caesar non placebat.
Minime.
Senatores Caesarem timebant.
Senatores putabant Caesarem regem esse velle.
Itaque, senatores Caesarem interficere volebant.
Idibus Martiis Caesar domi cum uxore erat.
Illo die in curiam ire debebat.
Caesar ire nolebat.
Illo die Caesar aegrotabat.
Uxor etiam illa nocte somnium malum habebat.
In somnio domus Caesaris cecidit et
Caesar a viris interfectus est.
Uxor timebat.
Advenit amicus Caesaris.
Et paulo post Caesar cum amico ad curiam iit.
Haruspex Spurinna Caesarem monuit.
„Caesar! Caesar! Cave Idus Martias!“
Sed Caesar risit.
In curia Cimber Caesarem pulsavit.
Caesar dixit, „Ista quidem vis est!“
Et fere omnes senatores Caesarem confoderunt.
Caesar interfectus est.
Parricidium fuit.
Postea populus Romanus valde tristis erat.
Populus curiam incendit.
Ecce finis fabulae Iduum Martiarum.
Valete!
Cavete!

Dies ater

Salvete, Auditores! Quanta miseria! Quanta calamitas! Ego sto in loco prope Vesuvium montem sito. Ubique ignes flammaeque. Ingenti vi e monte erumpunt et magnam nubem in caelum iactant. De caelo summa copia terrae et cineris decidit et homines, vias, villas tegit. Loca tremere non desinunt. Ubique clamores miserorum hominum, saepe voces audio: «Date auxilium!» – «Adeste nobis!» – «Quis me, quis liberos meos adiuvat?»

Audite ipsi, auditores mei! Homines magna voce clamant: «O di, quam crudeles estis! Quam atrox est fatum!» Vix possum videre aedificia, campos, agros. Sol abest. Nox adest. Specto fumum tantum et ignem. In nube magis magisque densa et fervida homines non iam possunt spiritum ducere. Multi ad mare currunt navesque petunt. In mari fuga salutem petere volunt. Cinis, fumus, ignis omnes opprimunt. Ubique corpora mortuorum iacent. Numquam calamitatem tam ingentem neque ego vidi neque alii viderunt. O di, cur hanc summam miseriam Romanis attribuistis? Cur vestro consilio hic dies ater accidit?

Domus Romana